يبقى أنت أكيد فى مصر

بسم الله الرحمن الرحيم

والصلاة والسلام على نبينا محمد علية الصلاة والسلام

سمعت اغنية حسين الجاسمى وبحبك وحشتينى ؟؟؟؟؟؟؟؟؟

طبعا سمعتها

طيب خدت بالك هى لمين ؟؟؟؟؟؟؟؟؟؟؟؟؟؟

لا اجابتك غلط مش من واحد لحبيبته

ومتقوليش انه بيقول وبحبك وحشينى وبحبك وانتى نور عينى لو انتى مطلعة عينى بحبك موت لفيت قد اية

لفيت ملقيت غير فى حضنك بيت و..............

دا بيتكلم عن مصر والدليل ان الأغنية كانت فى فيلم الرهينة لأحمد عز وكان مسافر بره

أخدت بالك من كلمة لو إنتى مطلعة عينى ؟؟؟؟؟؟؟؟؟؟؟؟؟؟؟؟

طيب أخدت بالك من أغنية شرين مشربتش من نيلها ؟ جربت تغنيلها ؟

وأغنية يبقى أنت أكيد أكيد فى مصر وأغنية فيلم مافيا

و أغنية ما تقولش أخدنا إية من مصر قول حندى إية لمصر

كلهم + اغنية حسين الجاسمى بيجمعهم ثقافة واحدة

هى إنك تحب مصر حتى لو طلعت عين اللى جابوك حتى لو جوعتك حتى لو سجنتك

عشان كدة إتغير شعار وزارة الداخلية الشرطة فى خدمة الشعب إلى الشرطة والشعب فى خدمة القانون والوطن

طيب دا كلام ؟؟؟؟؟؟؟؟؟؟؟؟

يا ناس خدوا بالكم

إحنا فى مصر متفردين بحاجات محدش يقدر ينافسنا فيها

لاحظ معى

* لما ذكر السجن فى القران لم يذكر الا فى مصر

* فى مصر اللى عايش الممثلين والرقاصين والمطربين ولاعبى الكرة بينما العلماء والمخترعين بيطلع عنهم عشان

200 جنية زيادة وشهادة تقدير لما يخترعوا اختراع عظيم عشان كده لو سألت ابنك عايز تطلع اية مش حيقولك دكتور

حيقولك عايز ابقى زى سعد الصغير او زيدان

* فى مصر فقط نأكل سمك منتن وبقالة سنين منتن صحيح ان السمك يحل اكلة ميت لكن دا بيبقى متعفن

( الفسيخ )

* فى مصر فقط اللى بنقول لرجل الشرطة ولو كان مخبر يا باشا

* فى مصر فقط الوزير اللى يسرطن الشعب لا يحاكم بل يمثل الحزب الحاكم فى انتخابات مجلس الشعب

* فى مصر فقط اللى عندة خبرات عسكرية ( يعنى يبقى محافظ كفر الشيخ )

* فى مصر فقط اللى يقول الحق من المسئولين ( يعينوة امين عام جامعة الدول العربية )

* فى مصر فقط نظام ادفع وبعدين اشتكى

* فى مصر فقط ابن القاضى بيطلع قاضى ولو جاب فى كلية الحقوق مقبول

* فى مصر فقط رجل المرور مبيعرفش ينظم المرور ( يبقى عامل ذى حكيم فى اغنية السلام عليكم )

* فى مصر فقط التصويت بيكون بنعم أو لا ( نعم يبقى أخضر ولا يبقى اسود ) يعنى قول نعم عشان سكتك تبقى

خضرة وعشان اللى مبيعرفوش يقرأو يعلموا على الاخضر ولان لون الحزب الوطنى اللون الاخضر ويعنى لو قلت لا

حتبقى سنتك وسنة اللى خلفوك سودة

كفاية لحد كدة عشان حاسس انى مش حبات فى بيتنا النهاردة وحكون ضيف على حبايبنا فى أمن الدولة

في مدرستي انا كنت بنظم عروض حفلة اخر العام الدراسي والمديرة بتاع مدرستنا كانت معتمدا عليا حتي في اختيار الاغاني لكن جت علي العرض اللي فيه اغنية وطنية وقالتلي هتعملي علي اغنية ايه انا طبعا اخترت اغنية حسين الجسمي لاني حسيتها بتعبر عننا كلنا في مصر ولما سمعتها رفضت انها تخليها اغنية العرض وقالتلي مصر مش بتطلع عين حد لكن الحكام بتوع مصر هما اللي طلعو عنينا
طبعا انا اديقت اوي لان الاغنية اللي اختارتها اترفضت بس لما فكرت لقيت عندها حق لان فعلا مصر مش مطلعا عنينا ولا حاجة ويوم الحفلة عرفت هيا ليه رفضت انها تخلي الاغنية دي بتاعت العرض السبب ان عضو مجلس الشعب جاي الحفلة
يعني مش عشان مصر مش بطلع عين حد ولا حاجة لكن عشان عضو مجلس الشعب يحيها علي الحفلة ويديها شهادة تقدير ومكافأة مالية
وحسبنا الله ونعمة الوكيل

الصراحة بقا احنا الى مطلعين عين مصر مش هى الى مطلعة عينينا والحياة سهلة جدا ومفيش مشاكل خالص

Mad

لا بجد واضح ان مفيش مشاكل خالص
افسرلكم الموضوع بقا
الدويقة وقعت عشان واحد عطس جامد فوقع الصخور كدا
وعبار السلام غرقت عشان واحد نام وساب السيجارة مولعة وبعدين واحد تاني تخين قعد علي طرف العبارة فختل توازنها وغرقت
ازمة العيش ان الناس اتفجعت وبيأكلوا كتيير
واسعار الحديد والبنزين غليت بسبب ان مبقاش في مناجم وابار حديد وبترول فبنستورد
والمستورد غالي ومولع
اما بالنسبة لاضرابات العمال فهي تسيب وعدم نظام يعملوا اضراب عشان عايزين فيلل في مارينا اخص ما الدولة جبتلكم في شرم الشيخ يعني هيعملوا ايه اكتر من كدا
يارت نبطل نبطر علي نعمة ونظلم الحكومة ربنا والحمد لله
وعلي راي ابو حفيظة
عندنا فائض في الميزانية هنوفر ليه في الانفاق اعيادنا هتبقي يومية والدبدوب هيقول واك واك

البط يقوم فرحان من النوم يغطس ويعوم
طاب ما لازم يعيا حد يقوم من النوم ينزل المية
هههههههه

» يبقى انت اكيد فى مصر
» مواصفات الشاب المتتامر (للى عايز يبقى شبه تامر حسنى)