النجم الساطع
إدارة منتديات النجم الساطع
ترحب بكم وتتمنى لكم قضاء أسعد الأوقات فى طاعة الله عزوجل
وتدعوا السادة الزوار إلى الإنضمام إلى أسرة النجم الساطع
وتدعوا السادة الأعضاء إلى الدخول والمشاركة
النجم الساطع
إدارة منتديات النجم الساطع
ترحب بكم وتتمنى لكم قضاء أسعد الأوقات فى طاعة الله عزوجل
وتدعوا السادة الزوار إلى الإنضمام إلى أسرة النجم الساطع
وتدعوا السادة الأعضاء إلى الدخول والمشاركة
النجم الساطع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

( إسلامى - تعليمى - ترفيهى )
 
النجم الساطعالرئيسيةالمنشوراتأحدث الصورالتسجيلدخولنسيت كلمة المرور ؟

منتدى النجم الساطع يرحب بكم ويتمنى لكم قضاء أسعد الأوقات فى طاعة الله عزوجل ,,,  مدير المنتدى : أحمد حمدى ,,,  ت : 01114061115 - 01276654057 - 01062202518لللل  


 

 عريس من النت 1

اذهب الى الأسفل 
+2
mohamed gamal
القطة الشقية
6 مشترك
كاتب الموضوعرسالة
القطة الشقية
نجم فعال
نجم فعال
القطة الشقية


المشاركات : 40
الجنس : انثى
العمر : 27
تاريخ التسجيل : 27/05/2009
النقاط : 87

عريس من النت 1 Empty
مُساهمةموضوع: عريس من النت 1   عريس من النت 1 Icon_minitimeالجمعة يونيو 19, 2009 4:35 pm


الجـزء الأول

تركت عفاف الكمبيوتر الذي تقضى عليه معظم وقتها فجأة وصرخت بصوت عالى: مااااما.. يا يا مامااااااااا
الأم: فيه إيه يابت بالراحة إخواتك نايمين
عفاف: معلش يا ماما أصلى فرحانة.. فرحانة اوي اوي
الأم: خير يا بنتى فرحينى معكاي كدا ربنا يفرح قلبك
عفاف: عريس يا ماما عريس
الأم فرحة: يا ألف نهار أبيض يا ألف نهار مبروك.. لولولولولولولولولولولولوى
وبعد دقيقتين أحضان وقبلات تذكرت الأم: ألا قوليلى يابت.. عريس مين ده اللي هيتقدملك.. وماقلتليش من ساعة ما جيتى من الجامعة ليه؟
عفاف: لأنى لسة عارفة دلوقتى حالا يا ماما
الأم بإستغراب: عارفة دلوقتى حالا؟؟؟.. عارفة منين يابت ده انتى لسة قايمة دلوقتي من قدام الكبورر
عفاف ضاحكة: كبورر ايه بس يا ست الكل.. اسمه كمبيوتر
الأم: مش مهم.. المهم عرفتيه ازاي؟ ومين أصلا العريس ده يعنى جاى منين؟
عفاف: من النت يا ماما
ظلت الأم المسكينة تنظر لابنتها باستغراب وهى تراجع كل ما تعرفه من كلمات ولم تجد لكلمة النت أثر بينها
فسألت عفاف: النت ؟ ودى تبقى فين دى يا بت؟
عفاف: فين ازاى يا ماما؟
الأم: يعنى فينها من الوايلى الى احنا فيها؟.. تركبيلها مترو ولا اتوبيس ولا تأخديها تاكسى.. اوعى يابت يكونوا بيروحولها بالقطر؟
عفاف ضاحكة: ايه يا ماما الى انت بتقوليه ده؟.. مترو إيه وقطر إيه؟! ده النت
الأم: أيوة يا بنتى عرفنا انه الزفت بس ده موقعه فى انه بلد بالظبط ؟
عفاف: فى كل البلاد يا ماما
الأم باستغراب: انتى اتهبلتى يا بت؟.. يعنى إيه فى كل البلاد؟
عفاف: يا ماما النت ده عبارة عن كمبيوترات كتير في العالم وفيه معلومات كتير اوى
الأم: معلومات ايه يابت انتى هو انتى هتتجوزى دايرة المعارف؟؟
عفاف: المهم يا ماما ان فى واحد متقدملى عن طريق النت
الأم: ودة اتقدم ازاى يعنى؟؟؟؟
عفاف: بعتلى إيميل
الأم فى ذهول: ايميل؟.. بعتلك إيميل جارنا المسيحى؟.. وإزاى يا بت تقبلى تتكلمى مع الى اسمه إيميل ده.. وهو مين عشان الزفت بتاعك ده يبعته لينا
عفاف فى سرها طب افهمها ازاى دى بقى...؟
عفاف: يا ماما اهدى إيميل جارنا مين بس
الأم: مش انتى الى بتقولى يابت
عفاف: إيميل يعنى جواب بس على النت
الأم: برضه هتقوليلي عالزفت.. يابنتى أنا مش فاهمة البتاع الى بتتكلمي عليه ده
عفاف: النت ده ياماما حاجة فى الكمبيوتر.. ممكن نبعت فيها رسائل لناس بره ونستقبل منهم رسائل برضه ده غير حاجات كتير
الأم: أنا ماليش فى الكلام ده.. اللي انا عايزة أعرفه هو مين ومعاه شهادة ولا لأ؟ واصله ايه وفصله ايه؟
عفاف: هو اسمه حاتم وطالب فى هندسة حاسبات و
قاطعتها الأم: طالب؟؟؟؟؟
عفاف: أيوة ياماما بس فى آخر سنة
الأم: بصى أنا ماليش دعوة بالموضوع دا أنا هتصل بأبوكي وهو يتصرف.. اتصلى بيه انتى عالموبايل وأنا أكلمه.. زمانه عالقهوة

*******

وفى قهوة المعلم حسنين
رن الموبايل بتاع عم حلاوة العنتبلى الجزار
حلاوة العنتبلى وبصوت خشن: أيوة مين؟
الأم: أنا يا معلم
العنتبلى: عاوزة إيه يا وليّه؟؟؟
الأم: تعالى يا خويا شوف بنتك جايلها عريس من النت
العنتبلى: بتقولى منين؟؟
الأم: من النت يا حاج
العنتبلى: يعنى إيه؟ فهمينى
الأم: ياخويا لما أفهم أنا ابقى أفهمك.. تعالى انت واسألها بنفسك
العنتبلى: ماشى.. هخلص دور الطاولة ده وهاجى على طول
ثم أغلق الموبايل وأخذ يكلم نفسه: نت!! ده يطلع ايه ده كمان؟؟؟؟.. تكونشى الولية مراتى اتهبلت ؟؟؟؟؟.. بس هى ناقصة هبل؟ ماهيا كدا كدا مهبولة من يومها
سأله صاحبه الذى يلاعبه الطاولة: مالك يا معلم حلاوة؟ انت بتكلم نفسك ولا ايه؟
فانتبه المعلم حلاوة وقال لعنتبلى: قولى يا زينهم.. بما إنك كدا متعلم ومتنور ومعاك تالتة ابتدائى.. يطلع إيه النت ده؟؟؟؟
طبعا المعلم زينهم اترسم بقى وأخذ وضع فخر وعزة وهو يجيب: وإنت ايه اللي عرفك بالأشكال دى يا معلم؟
العنتبلى: اهو عرفت وخلاص بقى
زينهم: والله يا معلم حلاوة.. أنا سمعت مرة البت بنت أخت عمة جار خالتى بتقول انها شافت على النت صور لمذابح بتحصل فى العراق
العنتبلى: ااااااااااااه.. يعنى زى تليفزيون كده يعنى
زينهم: لا يا معلم مش زى التليفزيون.. وإنما تقدر تقول عليه جرايد بس بتتشاف على الكمبيوتر
العنتبلى: يا دين النبى.. معقولة ياد الجرنال يدخل عالشاشة الصغيرة دى؟؟ طب بيدخلوه ازاى؟؟
زينهم وقال عامل فيها فكيك بقى: مش فى فتحات ورا فى الشاشة يا معلم.. أكيد بيدخلوا الجرنال منها
العنتبلى: أكيد الناس دى فاضية وموراهاش أى حاجة تعملها
زينهم: هو كدة بالضبط يا معلم.. بس ليه ده كله؟
العنتبلى: أصل الولية مراتى بتقولى بنتك جايلها عريس من النت
زينهم: ألف مبروك يا معلم.. أكيد تقصد ان متقدملها صحفى
العنتبلى وهو مبسوط: بجد ياد يا زينهم؟
زينهم: طبعا يا معلم.. ماهو زى ما قلتلك النت عبارة عن جرايد عالكمبيوتر.. يبقى قصدها ان واحد جرنالجى اتقدملها.. مبروووك يا معلم.. كدة ممكن تعمل دعاية للمحل بتاعك فى الجرنال.. وتطلع صورك انت والعجل فى صفحة الحوادث
العنتبلى: طب العب يا وش السعد العب
رمى زينهم الزهر ثم صرخ: ..دش
راحت عليك يا معلم
الرجوع الى أعلى الصفحة اذهب الى الأسفل
mohamed gamal
نجم متواصل
نجم متواصل
mohamed gamal


المشاركات : 104
الجنس : ذكر
العمر : 27
عريس من النت 1 Male_e10
تاريخ التسجيل : 24/05/2009
النقاط : 232

عريس من النت 1 Empty
مُساهمةموضوع: رد: عريس من النت 1   عريس من النت 1 Icon_minitimeالجمعة يونيو 19, 2009 5:19 pm

هههههههههه مضحكة جدااا

فى حد لا يعرف النت

Sad

Rolling Eyes
الرجوع الى أعلى الصفحة اذهب الى الأسفل
الجنرال
مشرف
الجنرال


المشاركات : 213
الجنس : ذكر
العمر : 30
عريس من النت 1 Male_e10
تاريخ التسجيل : 01/06/2009
النقاط : 333

عريس من النت 1 Empty
مُساهمةموضوع: رد: عريس من النت 1   عريس من النت 1 Icon_minitimeالجمعة يونيو 19, 2009 11:58 pm

ههههههههه حلوة
الرجوع الى أعلى الصفحة اذهب الى الأسفل
manor_2010
نجم متواصل
نجم متواصل
manor_2010


المشاركات : 142
الجنس : انثى
العمر : 27
عريس من النت 1 Female31
تاريخ التسجيل : 21/05/2009
النقاط : 260

عريس من النت 1 Empty
مُساهمةموضوع: رد: عريس من النت 1   عريس من النت 1 Icon_minitimeالإثنين يونيو 22, 2009 3:28 pm

ههههههههههههههه جميله جدا

cheers cheers

study study
الرجوع الى أعلى الصفحة اذهب الى الأسفل
ذوكا
مشرفه
مشرفه
ذوكا


المشاركات : 47
الجنس : انثى
العمر : 29
عريس من النت 1 Female31
تاريخ التسجيل : 26/11/2009
النقاط : 82

عريس من النت 1 Empty
مُساهمةموضوع: رد: عريس من النت 1   عريس من النت 1 Icon_minitimeالخميس يناير 21, 2010 12:33 pm

ههههههههههههههههههههههههه
حلوة
الرجوع الى أعلى الصفحة اذهب الى الأسفل
faten__faten
نجم نشيط
نجم نشيط
faten__faten


المشاركات : 67
الجنس : انثى
العمر : 26
عريس من النت 1 Male_e10
تاريخ التسجيل : 19/12/2009
النقاط : 98

عريس من النت 1 Empty
مُساهمةموضوع: رد: عريس من النت 1   عريس من النت 1 Icon_minitimeالسبت فبراير 06, 2010 11:44 am

cheers
الرجوع الى أعلى الصفحة اذهب الى الأسفل
 
عريس من النت 1
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
النجم الساطع  :: القسم الترفيهى :: ركن الضحك والفرفشة-
انتقل الى: